TURA: Tura Municipality ning·o achak jilenggipa pilak nokdangrangan, re·baenggipa December 8 tarik dipet, Tura Municipality Board (TMB)-o register ka·na ba segatna nanggnok ine u·iataha.
TMB-ni u·iatani gitade, manderangna naljokaniko on·na, achakrangko nambate jilna aro achakrangko tika su·na gita ia niamko ra·gatangaha.
Achakrangko, www.
Achakrangko register ka·anio nanggipa lekkarangara, Anti-Rabies Vaccination Certificate, nokgipani ID aro dongchakgipa biapni sakki aro achakni passport photo ong·enga.
Ia registration drive-ni namgnirangko janapatengon, achakrangna ID tag-rangko on·anichi, gimagipa achakrangko nokgiparangona sokatpilna man·gen, achakrangna tikako su·anichi achakna aro mandenaba naljokaniko on·na man·gen aro achakrangko register ka·anichi nokgiparangko nambate nirok sandina gita didiani ong·gen ine TMB-oni u·iataha.
Ia niamko ja·rikjagenchimode, registration tag donggijagipa achakrangko katbranggipa achak ine changen aro Municipal Act-ni ning·o rakgipa ja·kurangko de·gen ine TMB parakataha.
Iani bidingo talbate ma·sina nanggenchimode achak nokgiparang, 9863904113 TMB helpline-ona ka·ate sing·sandiatna man·gen.
