District headquarter-rangosan ong·aigija jillani gittimrangoba namroro silroroaniko ra·bana kam ka·enga: CM
TURA: Tura-ni Lower Hawakhana gittimo, Smart Town project-ni ning·o gital tarigipa Paver Block Road-ko Sukrobar salo, a·dokni Chief Minister Conrad K Sangma, oprake on·angaha.
Ia ramako oprake on·anganio a·dokni Chief Minister, Lower Hawakhana gittimo songdongenggipa manderangna aganprakangengon, “Election-na campaign ka·engmiting somoirango anga baditaba chang Lower Hawakhana-ona re·bana cholrangko man·aha aro da·alo ia gittimo dingtanganirangko nikna man·engahani gimin anga namen kusi ong·a,” ine parakataha. Ia chonbegipa scheme-san ong·aigenchimoba ia gittimna bang·en dingtanganiko ra·bana man·aha ineba ua aganaha.
Smart Town project-ni ning·o Tura jillani bang·a gittimrangnan apsan dakgipa paver block ramako tarina on·manaha ine janapatengon, “Dakna nanggni kamrang bang·en dongkuengoba an·ching ka·sinsin Tura-ni dingtangbaaniko nikna man·engaha aro anga bebera·a, na·simangni bakrimanichi aro ku·mong nangrimanichi an·ching mikkangchiba iana bate dal·dalgipa kamrangko chu·sokatangkuna man·gen,” ine Sangma aganaha.
Smart Town project-ni ning·o Tura-ni dingtang dingtang gittimrango iandakgipa ramarangko tarina gong crore 54 tangkarangko chamataha aro Tura songjinmao dingtang dingtang namroro silroroani kamrangna gong crore 1400-mangni gita tangka paisarangko chamatenga ineba ia tom·anio Chief Minister parakataha.
“Tura jillani dingtangbaroroenganiko nike anga namen katchabea aro gisiko chu·ongnikaniko man·enga,” ine ua aganaha.
District headquarter-rangosan ong·aigija dingtang dingtang jillani gittimrangoba apsan daken namroro silroroaniko ra·bana sorkari kam ka·enga ineba Chief Minister parakataha.
Lower Hawakhana Development Committee-ni dingtang dingtang nanganirangko janapanirangna aganchakaniko on·angengon, gittimni gopramona ramako tarina aro gittimni gilja nikna retaining wall-ko tarina gita sorkari kamrangko ka·chenggen ine Chief Minister, ku·rachakaniko on·angaha.
Ja·mano ua, gittimni manderang baksaba agangrike, gittimo paikanarangko rikani, street light-rangko donani, CCTV-rangko donani aro uandakgipa kamrangni gimin agangrikangaha.
Smart Town project-ni ning·o Tura jillani bang·a gittimrangnan apsan dakgipa paver block ramako tarina on·manaha ine janapatengon, “Dakna nanggni kamrang bang·en dongkuengoba an·ching ka·sinsin Tura-ni dingtangbaaniko nikna man·engaha aro anga bebera·a, na·simangni bakrimanichi aro ku·mong nangrimanichi an·ching mikkangchiba iana bate dal·dalgipa kamrangko chu·sokatangkuna man·gen,” ine Sangma aganaha.
Smart Town project-ni ning·o Tura-ni dingtang dingtang gittimrango iandakgipa ramarangko tarina gong crore 54 tangkarangko chamataha aro Tura songjinmao dingtang dingtang namroro silroroani kamrangna gong crore 1400-mangni gita tangka paisarangko chamatenga ineba ia tom·anio Chief Minister parakataha.
“Tura jillani dingtangbaroroenganiko nike anga namen katchabea aro gisiko chu·ongnikaniko man·enga,” ine ua aganaha.
District headquarter-rangosan ong·aigija dingtang dingtang jillani gittimrangoba apsan daken namroro silroroaniko ra·bana sorkari kam ka·enga ineba Chief Minister parakataha.
Lower Hawakhana Development Committee-ni dingtang dingtang nanganirangko janapanirangna aganchakaniko on·angengon, gittimni gopramona ramako tarina aro gittimni gilja nikna retaining wall-ko tarina gita sorkari kamrangko ka·chenggen ine Chief Minister, ku·rachakaniko on·angaha.
Ja·mano ua, gittimni manderang baksaba agangrike, gittimo paikanarangko rikani, street light-rangko donani, CCTV-rangko donani aro uandakgipa kamrangni gimin agangrikangaha.
