Resubelpara: Fisheries, Tourism and Agriculture-ni Minister, Shri Thimothy D. Shira, Sonibar salo North Garo Hills Bajengdoba C&RD Block-ni ning·o ga·akgipa Katongre-o Recreational Fisheries Project-ko oprakate on·aha.
Katongre song namen nitobegipa aro na·tok jilani cholrang dongani gimin ia gital project-ko parakataha. Pradhan Mantri Matsya Sampada Yojana (PMMSY)-ni ning·o ia project-ko ra·gataha, project-ni damara lak 50 ong·a, jekon 60 percent a·dok sorkari aro 40 percent-ko beneficiary-rang on·gilaha. ‘Mountain Lake’ recreational fisheries project-ko Smt. Presdalline Momin uni managing committee baksa nirokenga.
Tom·anio aganprakataon Shri Thimothy D. Shira, indine aganaha, ” ia project-ara jolni manderangni janggi tangani gadangko ra·dogen, kamrangko bikotgen aro songni manderangna bilongen dakchakani ong·gen. Iarangna agreba ia recreational fisheries aro angling tourism-ko namdapatgen, fish biodiversity-ko namdapatgen aro aquatic ecology ba na·tokrangko ripinge rakkina dakchakgipa ong·begen.
Indake Minister jolni manderangko ia project-ko an·tangtangnian ine jako ra·enba daitoko ra·china didie, jolrangko rongtal-an·tale rakkichina didiaha. Unbaksana sepangjolorang bol bipangrangko ge·china aganaha. FOCUS, FOCUS+, CM Elevate, aro gipin scheme-rangni giminba Minister agane on·angaha.
Bajengdoba-ni MLA Shri Pongseng R. Marak, tom·anio bakko ra·e songni manderangko ia project-ko simsake jakkalchina agan-ku·pattiaha.
Programni bako Minister Timothy Shira aro gipinrang project-ni site-o na·tokrangko wataha.
Fisheries Minister Shira, NGH-o Recreational Fisheries Project-ko oprake on·a
Date:
Share post:
