SHILLONG: ‘A·gilsakni Isol’ dakmikjachina gita Hynniewtrep National Liberation Council (HNLC) bobil dolni mikrakataniko man·ani ja·man, ian sorkari chalaianiko nambatatna man·genchimode aro a·doko songdongenggipa manderangna namgni ong·genchimode ua bobil dolni jako so·otakoba man·na ka·dongaia ine Voice of the People’s Party (VPP)-ni president Ardent Miller Basaiawmoit parakatskaaha.
Khasi Hills Autonomous District Council (KHADC)-ni kamrango jak on·jachina didiatani ja·man, an·tangko ‘Blei Khyndew’ ba ‘A·gilsakni Isol’ dake mesokjachina VPP-ni president Ardent Miller Basaiawmoit-ko HNLC bobil dol mikrakatskaahachim.
“Hima Sohra-ni acting Syiem ong·e kam ka·enggipa Mynjurlang Majaw-ara, VPP-na kam ka·gipa mandean ong·a ine chinga namen ma·sia, uni gimin Hima Sohra-ni Syiem-ko songanio KHADC-ni chu·sokgijanina chinga ku·rang on·aigen. Ardent Basaiawmoit an·tangko nama ine chanchijachina aro ‘Blei Khyndew’ ba ‘a·gilsakni Isol’ gita an·tangko mesokjachina,” ine HNLC-ni general secretary Sainkupar Nongtraw, mikrakataniko on·angahachim.
KHADC-ni kamrango jak on·jachina Basaiawmoit-ni agangipa kattarangna aganchakaniko on·atengon, “Tribal jatrangni bilrango nangchakegipa je kamoba HNLC, jak on·pana bil dongaia,” ine Nongtraw parakataha.
HNLC bobil dolni iandake mikrakatanina aganchakaniko on·angskaengon, manderangni nangnike seokanichisa KHADC-ko VPP chalaienga aro badiaba bobil dolni a·sel ong·ja ine Basaiawmoit parakatskaaha.
Hima Sohra-ko chalaiani bidingo talataniko on·angengon, Hima Sohra-ko dilanio adita neng·nikanirang dongani gimin taridapna nanganirang dongachim aro iandakgipa kamrangko darangba ma·sisretna nangja ine VPP president aganaha.
Uko so·ote galanichi manderangni janggi tanganiko namdapatna man·genchimode ua so·otako man·naba ka·dongaigen ineba Basaiawmoit aganaha.
Manderangna namgni ong·ode so·otakoba man·na ka·dongaia: VPP prez
Date:
Share post:
