TURA: South Garo Hills a·jao Central Agriculture University (CAU)-ni Krishi Vigyan Kendra (KVK), Swachhta Pakhwada Campaign 2025-ni bak gita re·anggipa December 16 tarikoni 31 tarikona dingtang dingtang program-rangko ong·atangaha.
Ia Swachhta Pakhwada Campaign-ara, rongtal an·tale janggi tangani aro samtangtango ong·telaigiparangko ripinge rakkiani bidingo game ge·e cha·giparangna aro songni manderangna u·iatani program ong·a aro ia campaign-ni bak gita SGH-KVK, dingtang dingtang program-rangko ong·atangaha.
Ia program-ko December-ni 16 tariko, dingtangmancha Swachhta Pledge ba rongtal an·talaniko rakkina ku·mikchetanichi a·bachengataha aro ia program-o, KVK-ni scientist-rang, kam ka·giparang aro songni manderangba bak ra·e, an·tangtangni janggi tanganio aro songo noko rongtal an·talaniko rakkina gita ku·mikchetangtokaha.
Iana agreba, ia Swachhta Pakhwada Campaign-ni bak gita awareness program, jinma rongtalatani, jinma bol ge·ani, signature campaign, ja·achi re·ani aro uandakgipa program-rangkoba ong·atangaha.
Rongtal an·talaniko rakkina nangani gimin chatro chatrirangna aro chadamberangna mikrakataniko on·na gita dingtangmancha quiz competition-koba ong·atangaha.
Ia Swachhta Pakhwada Campaign-ni bak gita South Garo Hills KVK, re·anggipa December-ni 23 tariko Kisan Diwas ba Farmers’ Day-koba KVK campus aro Asugre songo manidilangaha aro ia program-ko ong·atanio, Union Agriculture & Farmers Welfare Minister Shivraj Singh Chouhan-ni jinmana aganprakanikoba jinmana live mesokangaha. Ia Farmers Day-ko manianio, South Garo Hills a·jani game ge·e cha·gipa sakbonga manderangna, uamangni gama ge·ani kamrango on·gilanirangna dingtangmancha mande ra·pilskaanikoba dakangjolaha. Ia program-ko ong·atanio, SGH-KVK-ni Head aro Principal Scientist Dr Athokpam Haribhushan, Viksit Bharat-Guarantee for Rozgar and Ajeevika Mission (Gramin)
Bill, 2025 (VB-G RAM G)-ni bidingo game ge·e cha·giparangna agan-talatanirangko on·angaha.
