SHILLONG: 2008-09 bilsirangni gisepo a·dokni lower primary skulrangna skigiparangko seokanio candidate-rangni score sheet-rangko taridapaha ine matnanga man·gipa case-na ra·gala man·gipa skigiparangko da·o kamo ra·pilna gita sorkari cholrangko nienga ine Sonibar salo, a·dokni Chief Minister Conrad K Sangma parakataha.
Chief Minister-ni parakatani gitade, matnanga man·e kamoniko ra·gala man·gipa skigiparangko kamo ra·pilna man·na gita cholrangko nipilanio a·dok sorkari, Supreme Court ma Meghalaya High Court-ko doktikgen, da·o dipet sorkari chanchikuenga.
Ia kamko a·dok sorkari an·tangaride dakna man·jawa indiba ra·gala man·gipa skigiparang baksa sorkari agangrikenga ineba Chief Minister parakataha.
“Chinga ia kamko chu·sokatna gita cholrangko sandienga aro iani bidingo anga cholrangko sandichina gita a·dokni Chief Secretary-na ge·etaniko on·manaha,” ine Sangma aganaha.
Ia Education scam-na matnanga man·gipa a·dokni gitcham cabinet minister Ampareen Lyngdoh baksana gitcham Education official sakgni, chong·motan Jeffrey D Sangma aro Ameka Lyngdoh-ko adita salrangna skangsan kachari jakgitel watahachim.
Ia case-na gitcham minister aro official sakgniko jakgitel watahaoba kachari, ra·gala man·gipa skigiparangnade maming raiko on·skajaha aro uandaken da·o a·dok sorkari, ia skigiparangko kamo ra·pilna gita cholrangko nienga ine Chief Minister u·iataha.
Bilsi 17-na skang, skigiparangko ra·anio ong·gija dakanina matnangako man·gipa a·dokni gitcham Education Minister Ampareen Lyngdoh-ni kosako matnanganiara kakket ong·ja ine parakatani ja·man Meghalaya High Court, uko re·anggipa 2025 bilsini September jao jakgitel wataha.
‘Education scam’-o ra·gala man·gipa skigiparangko kamo ra·pilna cholko nienga: CM
Date:
Share post:
