SHILLONG: 2028 Assembly election-o Nartiang constituency-oni jeba susana man·aigen Deputy Chief Minister aro NPP-ni a·gipi dilgipa, Sniawbhalang Dhar aganaha.
Nartiang-oni Dhar chang 4-na MLA ong·engaha, re·baenggipa poll-o constituency-oni VPP-ni president aro Nongkrem-ni legislator Ardent M. Basaiawmoit susanaba donga ingipana ua aganchakangaha.
“Jeba jakgitelen susana man·aigen. Iani bidingo darangba neng·nikani dongjawa. Constituency apaloni candidate-rangba susana man·aigen. Congress, VPP, BJP, UDP, je party-oni candidate-ba biming segatangna man·aigen. Iano maming neng·nikani dongchongmotjawa,” ine election-o jeba susana man·aiani gimin Dhar aganaha.
Nartiang-oni Basaiwmoit-ni susana miksongengani bidingo Dhar aganangaha, indakgipa ja·kuko de·anganichi uni Nongkrem-o chadenggipana neng·nikani sokbanaba donga ine aganaha. “Iano ua susana miksonga ong·ode, Nongkrem-ni manderang uko ra·chakjanaba donga ine angade kenchaksoenga. Darangba kakketko u·ija,” ine ua aganaha.
Dhar Nartiang-ni voter-rango ka·donganiko agangaha, uamang uko ka·dongchaken seokaha, ine aganangaha. “Nartiang-ni manderang apsan MLA-ko chang 4-na joljolan seokaha,” ine ua aganaha.
