Shillong: (PTI) Meghalaya-ni East Jaintia Hills district-o koela a·damo gopreta a·selo gimagiparangko dakchakgipa dolrang Sonibar salo sandiangkuaha. A·selo sak 25 manderang siaha.
Meja Bristibar salo Umsngat songni Thansku jolo a·sel ong·aha, jeni a·sel authorities ta·raken, a·sel ong·gipa biapona dakchakgipa dolrangko watataha.
A·selo bang·a manderangan gimakuenga, uni gimin dakchakgipa dolrang, sandikuenga.
Indake ong·engon Bharatiya Nyaya Sanhita, Mines and Minerals (Development and Regulation) Act aro Explosive Substances Act-ni niamrango pangchake Khliehriat police station-o FIR-ko segataha.
Da·odipet a·sel ong·ani mamlao sakgni manderang- Jalaphet Produng songoni Forme Chyrmang (bilsi 36 ong·gipa) aro Sutnga Pohwailong songoni Shamehi War (bilsi 42 ong·gipa) -mangko rim·aha.
Indake ong·engon Chief Minister Conrad K Sangma, a·sel onga·o sianggiparangna kalimate sorkari, niamgri koela cho·aniko champengna raken kamrangko ka·enga aro niam pe·giparangni kosako ja·ku de·na aganaha.
Justice (retd) BP Katakey, jean niamgri koela cho·anirangko sandienga, uaba Thangsku-ona re·ange nieaha.
