SHILLONG: Comptroller and Auditor General of India, Meghalaya-o labour welfare scheme-rangko ra·gatanio tik ong·gijanirangko jekai- tangka watanio tik ong·gijako, man·a nanggnirangko sokatjani bidingo jajrenganiko janapaha.
Ia report-rangara meja Sukrobar salo Chief Minister Conrad K Sangma-ni Assembly-o dongipa ba on·gipa Social and Economic Sectors and Urban Local Bodies-ni report-ni bak ong·a.
Audit-ni gita, beneficiary-rangni database-o changni chang tangka wataniko nikna man·aha. Ming 15 case-rango changbri transfer, ming 60 case-o changgittam transfer, aro ming 381 case-o changgni transfer ka·ako mesokaha.
CAG, maternity benefits-na tangka watanio tik ong·gijanikoba janapaha. Scheme-o sak 156 beneficiary-rangko ra·chakahachim indiba man·a nangnirangko man·a dongja. Lak 4.41 maternity benefit-ko sak 147 beneficiary-rangni bank account-ona wataha. Bangki beneficiary-rangna maini a·sel tangkako sokatna man·jahachim iani bidingo Laour department talata dongja.
Iarangni gisepon registeref labourer-rangni meritorious ba tang·doenggipa bi·sarangna dongipa cash award scheme-koba tik ong·e ra·gata dongja ine report-o janapaha. Sak 12 applicant-rangoni darangba dakchakaniko man·ja.
Labour department, audit-o sing·anirangna tale aganchakna man·ja, ian beneficiary-rangni man·gniko man·jaenganina namen jajrengani ong·a.
