SHILLONG: Voice of the People Party, Garo Hills-ona uamangni party-ko ra·angna ba a·palbatatna miksonganiko talen parakaha indake bilsi 2028 Assembly election-o National People’s Party-ko ra·bina parakaha.
Party-ni president Ardent Miller Basaiawmoit, kobor ra·timgiparang baksa agangrikmitingo indine aganaha, “niatgenchimode bilsi 2028 Assembly election-o mongsonsggipa susagrikaniara VPP aro NPP-ni gisepo ong·gen. VPP, da·omitingde Khasi Hills aro Jaintia Hills-osan bilakkuenga, NPP, Garo Hills-o bilakskaa. Indiba VPP, mikkangchi party-ko Garo Hills-ona ra·angna miksonga donga.
Uandake party-ko Garo Hills-ona a·palatna miksongengon gitcham Chief Minister Mukul Sangma-ko party-ona rimbana miksonga dongama ine sing·aon Basaiawmoit, iako raken jechakaha. VPP, je miksonganio ab·achengahachim, ua miksonganirangko pangnaba galjawa ine agane Basaiawmoit, Garo Hills-o beben VPP, dilgipa gride ong·chongmotjawa ine aganaha. Uni gisepo Rickyi AJ Syngkon sagiko janape, party, bikon Shillong Lok Sabha seat-na candidate seokaha ineba agankuaha.
Iarangni gisepon VPP-ni Garo Hills-ona ja·kolko ra·angna jotton ka·engon adita ka·donganirangko man·aha ine VPP-ni chief aganaha. VPP, Garo Hills-ona re·angjringenga aro manderang baksa agangrike, party-ni miksonganirangko u·aitenga. Garo Hills-oni bang·a manderang VPP-ko a·dokni party- jean Meghalaya-ni manderangna dangdike on·na miksonggipa ine ra·tokenga ienba aganaha.
