BAGHMARA: Meghalaya Democratic Alliance (MDA) sorkarini bilsichet gapaniko maniani bak gita ‘Our Magnificent Vision 2032: Meghalaya’ program-ko Sombar salo, South Garo Hills a·jani headquarter Baghmara jillao ong·atangaha aro ia program-o a·dokni Chief Minister Conrad K Sangma, Cabinet Minister Marcuise N Marak, dingtang dingtang dilgiparang, sorkari official-rang aro jolo songdongenggipa manderangba bak ra·angtokaha.
Ia program-ko ong·atanio, FOCUS+ aro Green Meghalaya program-ni namgniko man·enggipa dingtang dingtang dolrangna aro manderangna, Chief Minister Conrad Sangma aro Cabinet Minister Marcuise N Marak-ni jakchi cheque-rangkoba sualataha.
Ia program-ko ong·atanio a·dokni Chief Minister, tom·anio bak ra·giparangna aganprakangengon, indita bilsirangna nichanggalako man·gipa South Garo Hills a·jana, batanggimin bilsichetni gisepo ia sorkari, dingtanganiko ra·bana man·engaha ine parakangaha.
“Batanggimin bilsichetni gisepo anga baditaba chang South Garo Hills a·jaona re·baaha aro a·dokna namroro silroroaniko ra·baanio South Garo Hills a·jako mongsongbatgipa ong·e ra·na nangani gimin pangnan aganaha,” ine Chief Minister aganenba, manderangni nangnikani gita pilak nanganirangkode chu·sokate on·na man·kujaengoba, South Garo Hills a·jao ka·sinsin dingtanganiko nikna man·enga ine parakataha.
Ia bilsini budget-o dingtang dingtang kamrangna tangka paisa chamaniko janapatengon, mongsonggipa department-rang, jekai PHE-na kror 354-ni project-rang, Education-na kror 235-ni project-rang aro Tourism-na kror 90-ni project-rangko sorkari chamataha ine Chief Minister parakataha.
CM Elevate program-na kror 5.7-ko, Green Meghalaya-na kror 7.18-ko aro FOCUS+ program-na kror 11.24-ko chamataha ineba Chief Minister aganaha.
Greater Baghmara Water Supply Scheme-ni gnigipa bakna Development of North Eastern Region (DoNER) Ministry-ni ning·o gong kror 140 korosko hisapmanaha ine janapatskaengon, ia project-na bakan tender-rangko on·e kamrangko a·bachenggnok ine Chief Minister ku·rachakaniko on·angaha.
SGH-o ‘Our Magnificent Vision 2032: Meghalaya’ program-ko ong·ata
Date:
Share post:
