RESUBELPARA: Salpara Mini Stadium-o Inter-Club Cricket ko ong·atangengon Sombar salo Bouncer dol aro Rival Flax ni gisepo league match ko kal·anga. Ia susaanio Bouncer dol toss ame skang dokchenganiko dakanga jeon 1 gipa biapo dokenggipa Mohibul Haque 31(53) aro lower order batter (11 gipa biapo dokenggipa) Henri Sangma 31(34) score ko dol na bang·bate score chimongna chol ong·a, una agre gipin batter rang 7,2 score on wicket tangko noksan ong·ate extras 18 baksa (28.2 overs) ko kal·e 110/10 score ko dolgimik chimonganga. Dolgipin Rival Flax na skang fielding ka·engon Sengsrang 5/21(6), Gilseng 2/32(5.2), Dairo-Belu-Lomo 1-1 wicket ko ra·galna chol ong·skaa.
Iani ja·man gnigipa innings ko kal·engon Rival Flax dol na top order batter Chugs Sangma 34(33), Gilseng Momin 10(10), Sengsrang 16(13), Lomo Marak 10(31), Julias Sangma 14(12) score ko on·gilange extras 15 man·dape (20.4 overs) ong·mitingon 8 wicket noksan ong·ate 111 score ko tarie match ko 2 wicket chi amna chol ong·a. Bouncer dol na target ko warachakengon Absalom Marak 3/27(6), Mohibul-Mejabirth-Midan 1-1 wicket ko ra·galna chol ong·skaa. Ia league susaanio Rival Flex dol na 16(13) score aro 5/21 wicket rangko ra·gale galna man·e Sengsrang K. Sangma ‘Player of the Match’ na seoka man·anga.
