TDCA Inter-Club Cricket Tournament Super Division 2025-26: Miracle SC, Tura Bazar CC ko 258 runs chi amchepa

TURA: Sombar salo Alotgre Cricket kal·chakramo TDCA Inter-Club Cricket Super Division match ko kal·anga. Ia match-o Miracle SC aro Tura Bazar CC susaanga, jeon Miracle toss ame skang dokchenganiko dakanga. Indake skang dokchenganiko dakengon Miracle Sc chu·gimik (40 overs) ko kal·e 328/7 score ko dolgimik chimonganga, dol na Arien Bonchang 105(94) score ko 4s chang 14, 6s changsa sate tarianga, una agre kal·rimska Bonkam Marak 58(38) 4s chang 5, 6s chang 2, Diganta 54(36) score ko 4s chang 12, Pringsang 35(31), Dippu Sangma 15(10), Bubun-Sengam 10-10 baksana extras 32 ko man·dapanga. Tura Bazar CC na sak 7 bowler oni Ajay Malik 3/37(5), Kuldeep 2/60(8), Sourav Deb 1/58(8) chu·sokgipa ong·skaa.
Iani ja·man dal·begipa target 329 ko (40 overs-o) amna nangengon Tura Bazar CC ni batter rang (20.4 overs) ong·oan gimik 10 wicket ga·akgope 70 score kosan dolgimik chimongna chol ong·toka jeon Kuldeep 20(26), Sourav Deb 19(34) niksenggipa batter ong·aha, kal·rimska sak 3 duck cha·e dolna neng·nikaniko on·anga. Miracle SC na sak 7 bowler robol goanga jeon Vishal Mishra 3/16(4), Denikcheng-Agreas 2-2 wickets, Dippu-Bonkam-Senggam 1-1 wicket ko ra·gale chu·sokgipa bowler ong·skaa. Ia susaaniko Miracle SC 258 runs chi amna chol ong·a jeon dol na century dokna man·e Arien Bonchang Sangma 105(94) ‘Player of the Match’ na seoka man·skaa.