TURA: Meghalaya a·doko songdongkamgipa Tribal jatrangna on·gimin bilrangko chel·chakna aro niam retirangko rakkina gita electoral roll-rangko Special Intensive Revision (SIR) dakchina aro Constitution (Scheduled Tribes) Order 1950-ko taridapchina didie Confederation of Meghalaya Social Organisations (CoMSO), Garo Hills Autonomous District Council (GHADC)-ni Chief Executive Membor (CEM)-na sedoataha.
GHADC-ni CEM-na sedoatgipa chittio CoMSO-ni parakatani gitade, Garo Hills-ni a·kawe jolrango niam gri napsrukbae songdong a·chaenggipa manderangko den·galna gita electoral roll-rangko SIR dakna nangchongmotenga aro Meghalaya a·doko ST status ba gadangko a·doko songdongkamgipa Tribal jatrangsan man·na gita ST Order-ko taridapna nangchongmotenga.
“Meghalaya a·dokara Sixth Schedule a·dok ong·e, Tribal jatrangko chel·chakna gita dingtangmancha niamrang donga indiba niam gri napsrukbae songdong a·chaenggipa manderangko nirok sandiani ba champenganirang dongjani a·sel, electoral roll-rango gipin biaprangoni re·bagipa manderangkoba segatanirang batroroengani gimin jajrengchakanirang ong·enga,” ine GHADC-ni CEM-na sedoatgipa chittio CoMSO parakataha.
Autonomous District Council (ADC)-rangara, Indian Constitution-ni Sixth Schedule ning·o Tribal-rangko chel·chakna on·gimin bimangrang ong·ani gimin a·doko songdongkamgipa Tribal manderangko chel·chakanio mongsonggipa daitorang donga ineba CoMSO parakataha.
Indake ong·engon, Meghalaya a·doko songdongkamgipa Tribal-rangko chel·chakna on·gimin niam bidikrangko naljoke rakkina gita electoral roll-rangko SIR dakna aro Constitution (Scheduled Tribes) Order 1950-ko taridapna gita ja·kurangko de·chakatchina CoMSO, GHADC-ni CEM-ko didiataha.
Electoral roll-rangko SIR dakchina aro ST Order-ko taridapchina CoMSO didia
Date:
Share post:
