AMPATI: South West Garo Hills a·jao police-rangni kamrangko nambate ka·na aro manderangna nambate nirok sandianiko on·na man·na gita Garobadha Police Investigation Centre (PIC)-ko Police Outpost-ona ra·doataha.
Official-rangni seachi u·iatani gitade, da·o ia unit-ko South West Garo Hills a·jani ning·o, Garobadha Police Outpost dake kam ka·skagnok.
Una agreba Purakhasia Police Outpost-ko da·o West Garo Hills a·jaoniko South West Garo Hills a·jani ning·o pakwatatskaaha ine official-rang u·iataha.
Garobadha Outpost aro Purakhasia Outpost damgnikon West Garo Hills a·jani Superintendent of Police (SP)-ni ning·o ong·aoniko da·o South West Garo Hills District Executive Force (DEF)-ni ning·o chapatskaaha ine official-rang parakataha.
Official-rangni u·iatani gitade, Garobadha Police Outpost-ko Damalgre Police Station-ni ning·o chalaigen aro Purakhasia Outpost-ko Salmanpara Police Station-ni ning·o chalaiangskagen.
