Garo Hills-ni topper-rangna Apr 18-o ong·atskagen
SHILLONG: Ia 2026 bilsini Secondary School Leaving Certificate (SSLC) porikkao namgipa result-rangko man·e pass ka·anggipa Khasi aro Jaintia Hills-ni chatro chatrirangna mande ra·pilskaaniko dakna gita Sukrobar salo dingtangmancha program-ko Shillong-o ong·atangaha aro ia program-o a·dokni Chief Minister Conrad K Sangma, mongsonggipa sokgipa ong·e bak ra·angaha.
Ia program-ko ong·atanio, a·dokni Education Minister Lahkmen Rymbui, Education department-ni Commissioner & Secretary Vijay Kumar Mantri, chatro chatrirangni ma·a paarang, skigiparang aro Education department-ni official-rangba dongpae bak ra·angaha.
Ia program-ko ong·atanio a·dokni Chief Minister, jinmana aganprakangengon, ia bilsini SSLC porikkao teng·sugiparang ong·e a·dokna mikkim rasongko ra·baahani gimin chatro chatrirangko mittelpilangenba, a·doko ka·sinsin lekka pora, mongsongbate SSLC porikkani result-rang nambatrorobaengahani gimin janapangaha.
Batanggimin bilsirango SSLC porikkani result-rang nangnikani gita ong·jagenchimoba da·o ka·sinsin result-rang namrorona a·bachengengaha ineba Sangma aganaha.
“Batanggimin bilsirango pass percentage-rang namen komiani a·sel an·ching pilaknan dukni ong·achim indiba da·o result-rang namrorona a·bachengengaha. Anga bebera·a mikkangchiba SSLC porikkani result-rang aro lekka porani gadang nambatrorona man·gnok,” ine Chief Minister aganaha.
Lekka pora on·ani kamrangko mangrakbatatna gita a·dok sorkari gisiko nange kamko ka·enga ine janapatengon, ia kamni biterangko da·o ka·sinsin nikna man·engaha ine Sangma aganaha.
SSLC porikkao nambatgipa gadangko man·e pass ka·anggipa chatro chatrirangna an·tangni namgipa skaniko on·angengon, chatro chatrirangni rakbee kamko ka·anina mittelpilani chin gitasa ia program-ko ong·ataha ine Chief Minister parakatenba, mikkangchiba chatro chatrirangko gisiko nange poraiangkuchina ku·pattiangaha.
“An·tangtangni janggi tanganio chu·sokgiparang ong·na gita tikkelgiparang ong·bo indiba pangnan bamgiparang ong·na skibo,” ine Sangma aganaha.
Garo Hills-ni topper-rangnaba ia apsan dakgipa program-ko re·baenggipa April-ni 18 tariko, Tura-o ong·atanggen ineba Chief Minister parakataha.
Ia program-ko ong·atanio, a·dokni Education Minister Lahkmen Rymbui, Education department-ni Commissioner & Secretary Vijay Kumar Mantri, chatro chatrirangni ma·a paarang, skigiparang aro Education department-ni official-rangba dongpae bak ra·angaha.
Ia program-ko ong·atanio a·dokni Chief Minister, jinmana aganprakangengon, ia bilsini SSLC porikkao teng·sugiparang ong·e a·dokna mikkim rasongko ra·baahani gimin chatro chatrirangko mittelpilangenba, a·doko ka·sinsin lekka pora, mongsongbate SSLC porikkani result-rang nambatrorobaengahani gimin janapangaha.
Batanggimin bilsirango SSLC porikkani result-rang nangnikani gita ong·jagenchimoba da·o ka·sinsin result-rang namrorona a·bachengengaha ineba Sangma aganaha.
“Batanggimin bilsirango pass percentage-rang namen komiani a·sel an·ching pilaknan dukni ong·achim indiba da·o result-rang namrorona a·bachengengaha. Anga bebera·a mikkangchiba SSLC porikkani result-rang aro lekka porani gadang nambatrorona man·gnok,” ine Chief Minister aganaha.
Lekka pora on·ani kamrangko mangrakbatatna gita a·dok sorkari gisiko nange kamko ka·enga ine janapatengon, ia kamni biterangko da·o ka·sinsin nikna man·engaha ine Sangma aganaha.
SSLC porikkao nambatgipa gadangko man·e pass ka·anggipa chatro chatrirangna an·tangni namgipa skaniko on·angengon, chatro chatrirangni rakbee kamko ka·anina mittelpilani chin gitasa ia program-ko ong·ataha ine Chief Minister parakatenba, mikkangchiba chatro chatrirangko gisiko nange poraiangkuchina ku·pattiangaha.
“An·tangtangni janggi tanganio chu·sokgiparang ong·na gita tikkelgiparang ong·bo indiba pangnan bamgiparang ong·na skibo,” ine Sangma aganaha.
Garo Hills-ni topper-rangnaba ia apsan dakgipa program-ko re·baenggipa April-ni 18 tariko, Tura-o ong·atanggen ineba Chief Minister parakataha.
