SHILLONG: Meghalaya a·doko specialist doctor-rang chu·ongjaengani a·sel dingtang dingtang hospital-rango neng·nikanirangko chagrongna nangenga ine Sukrobar salo a·dokni Health Minister Wailadmiki Shylla parakatenba, specialist doctor-rangni chu·onggijaniko kolgapatna gita sorkari, training-rangko on·enga aro doctor-rangko rimdapna kam ka·enga ine ku·rachakaniko on·angaha.
Specialist doctor-rangko kamo ra·na gita seokanirangko daktaigen ine janapatengon, badita sak kamko ka·na kusi ong·gen da·o dipet aganna man·kujaenga aro ia pilakan kamna dorgasto galgiparangosa pangchakaigen ine Shylla aganaha.
A·doko specialist doctor-rang chu·ongkujaengon, a·dokni doctor-rangko anaesthesiology, obstetrics aro gynaecology gita dakgipa kamrangna short term training-rangna watate kolgapgijaniko kolgapatna miksongenga ineba Health Minister parakataha.
State quota-o a·dokni doctor-rang, gipin a·dokrangosa postgraduate course-rangko dakengani a·selba specialist doctor-rang chu·ongjaenga ine janapatengon, ia doctor-rang, a·doktangona re·bapile dangdike on·genchimode, neng·nikanirangko komiatna man·gen ine Shylla, an·tangni ka·dongchakenganiko parakataha.
108 ambulance service-ko chalaiani bidingo janapatskaengon, da·o dipet sorkari, maming ja·kurangko de·na skangba report-na sengkuenga ine Health Minister parakataha.
Iani bidingo dingtang dingtang dolrang baksa chanchirimaha aro pilakni namgninan cholko ra·gatna man·na gita sorkari krengenga ine Shylla aganaha.
Private hospital-rango sanna bananirangna agre dam rakdugae ra·enga ine matnanganirangna aganchakaniko on·angskaengon, damrangko agre rakdugae ra·jachina gita sorkari, ge·etaniko on·manaha ine Health Minister parakataha.
Ayushman Bharat Pradhan Mantri Jan Arogya Yojana baksa chaprimgipa Megha Health Insurance Scheme (MHIS)-ni gimin janapatskaengon, da·o ia scheme-chi manderang nambate sanna bananirangko ra·na man·engaha ine Shylla aganaha.
Specialist doctor-rang chu·ongjaengani gimin training-rangko on·enga: Health Minister
Date:
Share post:
