SHILLONG: Electoral roll-ni Special Intensive Revision (SIR)-ko Meghalaya-ni BJP ra·gatako namnike aganaha, puona man·gipa voter-rangko chanchapatna man·a iako ra·gatna nangchongmota ine aganangaha.
Bimingrangko sandina ja·ku de·ako party namnikpaa aro bimingrangko den·galna nanga jemangan a·doko niamgri ong·e dongenggipa voter-rangko ra·galna nanga ine a·dokni BJP chief ku·baltigipa Mariahom Kharkrang aganaha.
Revision-ko dakna April jaoni a·bachengatna ka·dongsoako ua aganaha, aro council election ong·na skang matchotatgen, dingtangmancha biaprang jeon chanchichipgipa voter-rang donga.
Garo Hills a·jarango ong·gipa a·selko Kharkrang janapangaha, niamgri napdrabe songdonggiparangni bidingo skangoni neng·nikaniko man·enga aro iani bidingo da·o ma·mong gisiko nangbatatengaha. Mechanism-rang baksa SIR dakgipa ra·gatanichi indakgipa mamlarangko ma·siangna jakkalna man·gen aro electoral system-rangko bilakdapatna man·gen ine ua aganaha.
