TURA: Re·anggipa March jao, West Garo Hills a·jao so·sojengjeng ong·angani somoio Chibinang bazaar-o donggipa Jisu Kristoni statue ba mangkrongko nisie galahani gimin Bharatiya Janata Party (BJP), FIR ka·na manchiangaha.
BJP-ni state vice president aro Tura-ni MDC Bernard N Marak, Chibinang-ona re·ange, so·sojengjeng ong·ani somoio nisie galgipa biaprangko niangani ja·man iako kobor ra·timgiparangna parakataha.
Marak-ni kobor ra·timgiparangna parakatani gitade, so·sojengjeng ong·gipa Chibinang aro wilwilao donggipa songrangona re·ange nion, songbadrango segijagipa aro media-o parakkugijagipa kattarangko songni manderang, una u·iataha.
“Jolo songdongenggipa manderangni angna aganatani gitade, ua somoio Phulbari-ni gitcham MLA aro gitcham MDC Esmatur Mominin, manderangko ding·chaoatani a·selsa ia jolrango so·sojengjeng ong·na a·bachengaha. Manderang ka·a ding·chaoenba, Chibinang bazaar-o donggipa dokkanrangko aro manderangni dongchakenggipa nokrangkoba so·e galaha. Uasan ong·aigija mitam manderang, Jisu Kristoni statue-koba nisie galaha,” ine Marak parakataha.
Chibinang Bazar-o Jisu Kristoni mangkrongko nisie galaniara Kristianrangni kosako chadrapaniko mesokanisa ong·aha ine janapatengon, iandakgipa kamrangara niamkosan pe·a ong·ja indiba Indian Constitution-ni ning·o jakgitele olakkina bil man·aniko aro dingtang dingtang jatrangni gisepo tom·tome janggi tanganiko golmal ka·aniba ong·a ine BJP-ni state vice president parakataha.
Ia a·selni bidingo ua an·tangan FIR ka·gen aro dos dakgipa manderangni kosako rakgipa ja·kurangko de·na gita ua kamko ka·gen ineba Marak ku·rachakaniko on·ataha.
Chibinang-o Jisu Kristoni mangkrongko nisie galanina FIR ka·gen: BJP
Date:
Share post:
