TURA: Garo Hills-o bading chiwale cha·enggipa manderangna Garo Hills Autonomous District Council (GHADC)-o National People’s Party (NPP)-chi chalaianggipa gitcham Executive Committee, rakdugae kajinarangko ka·angaha ine Tura-ni MDC aro BJP-ni state vice president Bernard N Marak matnangatenba, iako niatchina gita a·dokni Chief Minister Conrad K Sangma-ko didiataha.
“Gital damrangko Governor ra·chaka dongkujani gimin bading chiwalgiparangoniko GHADC-ni ning·o donggipa Taxation Department-ni Trading for Non-Tribal (TNT) aro Tribal Trading Licence (TTL) ra·aniara niamni a·palo ong·enga,” ine Marak janapatenba, Governor-ni ra·chakkugijagipa rate-rangko Taxation-ni gitcham executive membor-rang, bading chiwalgiparangna tik ka·e on·aha aro bading chiwalgiparang, GHADC-oniko TNT licence-na dorgasto galskaaha ine parakataha.
Tura MDC-ni parakatani gitade, GHADC-ni session-ko ong·atani somoion kajinani damrangko ra·chakkujaenga ine ua mesoke on·angahachim aro ua somoio Executive Membor an·tangba ia kajinani damko ra·chakna gita watataha ine aganahachim.
“Uni gimin ia obostako namatna gita, bading chiwalgiparangoniko kajinarangko ra·na skangba District Council, kajinani damrangko ra·chakatchengna nangenga. Bading chiwalgiparangba, Council-ni treasury-na kajinarangko gamna skang, ra·chakgimin damrangko name ma·sie ra·chengna nanga. Ra·chakkugijagipa kajinarangko ra·enganichi Tribal badinggiparangba nangchakeaniko man·enga,” ine Marak parakataha.
Iani bidingo ua, GHADC-ni Deputy CEM aro Taxation-ni Executive Membor in-charge-naba sedoataha aro ua iako niatna gita ku·rachakaniko on·ataha ineba Tura MDC parakataha.
Bading chiwalgiparangna GHADC rakdugae kajinako tik ka·a: Tura MDC
Date:
Share post:
