SHILLONG: Adita salrangna skang Garo Hills-o, rabies sabisi man·gipa bi·sa saksako Tura-ni hospital damgnio ra·chakna jechakani ja·man sina nangaha ine matnangenggipani bidingo sandirokna gita a·dok sorkari, inquiry committee-ko songe donangaha.
Ia a·sel ong·ani, re·anggipa April 25 tariko ong·ahachim aro ia bi·sako Tura Civil Hospital aro Holy Cross Hospital-o ra·chakna jechakahani ja·man nokona ra·angpilengmitingo sina nangaha ine matnanganirang ong·katahani gimin iani bidingo sandirokna gita Health Services (MI)-ni Directorate, inquiry committee-ko songe on·angaha.
Official-rangni u·iatani gitade, ia inquiry committee-ko Health Services (Garo Hills Division)-ni Joint Director Dr Sombari Boro dilgen aro ia committee-ni gipin membor-rangara, Health Services (MCH&FW)-ni Joint Director Dr Perosh Marak, East Garo Hills a·jani District Medical & Health Officer Dr Cruzie N Sangma aro Integrated Disease Surveillance Program (IDSP)-ni State Surveillance Officer Dr Valerie Laloo ong·a.
Tura Civil Hospital-o ia bi·sako ra·chakna jechaka ine matnanganirangko sandirokna aro ia bi·sani sianio, medical-o kam ka·enggiparangni simsakgijanirang dongama dongja, uko sandirokna gita ia committee-na ge·etaniko on·angaha.
Ia Inquiry Committee-ni report-ko salsnini gisepon on·china gitaba Health Services (MI)-ni Directorate ge·etaniko on·angaha.
Ia inquiry committee-ni kamrango bakrimaniko on·china gitaba pilakkon didiataha.
Ia a·selni bidingo West Garo Hills a·jani Deputy Commissioner-ba magisterial inquiry-ko dakchina ge·etaniko on·angahachim.
Rabies sabisi man·e sia inako sandirokna inquiry committee-ko songa
Date:
Share post:
