TURA: West Garo Hills, District Social Welfare Office-ni gita Tura DRDA Conference Hall-o Nasha Mukt Bharat Abhiyaan-ni ningo Master Volunteer-rangna training program-ko ong·ataha. Ian a·doko dingtangmancha drugs aro ugita gipin pekgipa bosturangko jakkalanirang batrikrikenganiko nambata gadango champengnamiksongao ong·ataha aro ia training program-o Garo Hills-ni dingtang dingtang a·jarangoni gimik sak 50 volunteer-rang bakko ra·angtokaha.
Indake jinmana aganprakataon, administrative aro songsalni manderangni gisepo nangrimgrikaniko ra·baanio master volunteer-rangni mongsonggipa ong·e kam ka·ani gimin talatangenba, district-ni dingtang dingtang block ge·antini seoka man·gipa volunteer-rang awareness campaign-rangko ong·atanio mongsonggipa ong·e kamko ka·angen aro drugs-ko jakkale neng·nikaniko man·enggipa nokdangrangna counseling-ba agan-ku·pattie on·e dakchakgen.
Technical sessions-o pekgipa bosturangko jakkalanichi be·en-ni bakrang aro bewalrangni nosto ong·atako man·ani bidingo chanchirimaha, Dr. R. N. Sangma, gipin medical aro legal expert-rang baksa “three-pillar framework” chongmotan champengani, sannani aro nampilaniona rimbaani cholrangni bidingo agan-talate on·aha.
A·doko chadamberangni gisepo drugs jakkalani japangrangni gimin janapange, ian ripeng skarangni draanichi, gisikni gita sinjetaniko man·anichi aro una agreba meli nangrimano ekgrikanirangchi ong·bata. Uni gisepon champengani cholrangko namdapatna gita, changa sapanirangko skie ra·ani, nama bewalo bakrimani aro namgipa gadango janggi tangani cholrangko namdapatanichi champengna man·ani giminba jinmana agannangaha.
Pekgipa bosturangko jakkalani aro somoi gita uarangko nirok simsakaniko dakna NMBA Mobile App-ko jakkalani giminba volunteer-rangna skie on·angjolaha.
