SHILLONG: NPP, UDP-ni MLA-rangko an·tangona salna jotton ka·enga inako UDP jegalaha.
Uandake BJP-ni regional party ba bilrangko ra·gale galna jotton ka·engani gimin UDP-ni president, Metbah Lyngdoh, indin eaganaha, “gimik party-an chang·sade tang·doaniko man·a, niatna jekai- Congress aro TMC-kon nikna man·gen.
BJP-ba gipin political dolrang gitan a·dokona re·bae manderangni chakpaaniko sandina bil donga ine agane Lyngdoh, jolni regional party-rangko apsan ong·na ba melina nangnikaniko aganaha.
UDP aro HSPDP-ni bakrimani gimin janapatengon, jolni manderangni jelani bilongen komia. Uni gimin politics- o bilongen simsakna nanga, a·dokni manderangni gimin chanchina nanggen.
National party, pangnan national ba a·songni gita namgniko nia indiba regional party, chinggita UDP, a·dokni joltangni manderangni gimin chanchichenga.
“National party-ni gimin chanchiani palo skanggipa jolni regional party-rang melina nanggen ine Lyngdoh aganaha.
NPP, UPD-ni MLA-rangko brena jotton ka·enga ingipani gimin Lyngdoh, koborna talatengon, “iako NPP-ni MLA-rangko brena jotton ka·a ine agana man·jawa indiba iandakgipa obostarangko didina nangja’ ine aganaha.
