SHILLONG: Meghalaya-oni Rajya Sabha seat ge·samangmangko man·chape a·dok dam 10-oni Rajya Sabha-ni ge-24 seat-rangna election-ko ong·atna Election Commission (EC) May 22 Sukrobar salo parakataha.
Commission-ni parakatani gitade, June-ni 1 tariko notification-ko nakatatgen aro June 18 tariko polling-ko ong·atgen. Aro apsan salo vote-rangko chananggen.
Meghalaya a·dokni ge·sa mangmang seat-oni Rajya Sabha MP da·o ong·enggipa WR Kharluki ong·a. Ia chango Rajya Sabha MP ong·bana Garo Hills-oni dilgipako Garo Hills-oni MLA-rangni nangnikgipa ong·e election-na mikkanggipao chadenggipa ong·e NPP-ni dilgipa James PK Sangma re·mikangenga.
