TURA: Garo Hills Autonomous District Council (GHADC)-o ‘consultant’-ni kamko ka·na seoka man·gipa mandena, japrako gong lak 2 ka·e dormaha on·na tik ka·aniko Tura-ni MDC aro BJP-ni state vice president Bernard N Marak jegalatenba, TNT licence donggijagipa ‘Non-Tribal’ mandeko maio pangchake GHADC-ni ‘consultant’-na seokaha ine sing·doataha.
Marak-ni parakatani gitade, TNT licence donggijagipa mandeko GHADC-ni ‘consultant’-na seoke, una japrako gong lak 2 ka·e dormahako on·na tik ka·aha ine adita salrangna skang Executive Committee-ni tom·ao serikaniko nikna man·ahachim.
Tribal ong·gijagipa mandeko GHADC-ni consultant dake rakkina Executive Committee-ni tik ka·aniko jegalatengon, “Class X-ko pass ka·gipa mandenan GHADC-ni CEM aro Secretary-na bate dormahako on·enga. TNT licence donggijagipa ‘Non-Tribal’ mandeko consultant-na seokaha aro una japrako gong lak 2 ka·e dormaha on·na tik ka·aha ine GHADC-ni serikaoniko nikna man·aha,” ine Tura MDC parakataha.
GHADC-ko chel·chakna bil donggiparang ong·e, maikai GHADC-ni Executive Committee, Tribal-rangko aro songdongkamgipa ‘Non-Tribal’-rangko chel·chakna dongimin niamrangko pe·na man·aha ine sing·doatskaengon, “GHADC-o kam ka·giparangni dormahako on·na gitade District Council-o tangka paisa dongja ine Executive Committee pa·siksimaia indiba Class X pass ka·e, TNT licence donggijagipa mandenade japrako lak 2 dormahako on·na namnikskaenga,” ine Marak matnangataha.
GHADC-ni ‘consultant’-na seokako man·gipa mandeara Sumit Kumar Jain Bohra ong·a aro ia apsan mandekon re·anggipa bilsioba dingtang kamna ‘consultant’ dake seokahani gimin Tura-ni MDC jegalahachim.
GHADC-ni consultant-na songako man·gipa Bohra, Chartered Accountant degree-ba dongja aro Tribal council-na kam ka·na gita nangtelgipa Trading for Non-Tribal (TNT) licence-ba dongja ine Marak matnangataha.
GHADC-ni ‘consultant’-na lak 2 ka·e dormaha on·na tik ka·ako Tura MDC jegala
Date:
Share post:
