SHILLONG: Union Home Minister Amit Shah-ni Shillong songjinmaona re·baanio, Lawmali-chipakni Polo-ona re·baenggipa garirangko, baditaba kontarangna re·na on·gija dongahani gimin Bristibar salo manderang ka·a ding·chaoe, ua biapo kamrangko nirokenggipa magistrate aro police official-rang baksa jegrikaha.
Bristibar salo, Union Home Minister Amit Shah, Shillong songjinmani State Convention Centre-o ong·atgipa North Eastern Council (NEC)-ni chang 73-gipa plenary-o bak ra·angaha aro una skang, Bristibar pring 10:30 bajimangonin, Polo jolo gari gorarangni re·ruraaniko champengatahachim.
Kontasa batpile garirangko re·na on·gija donahani a·sel, ramao garirang apchangket ong·atako man·na nangahani gimin aro office-rangchi re·angenggipa manderang, ua biapon jachange dongna nangtokahani gimin ja·mano rang·san manderang ka·a ding·chaoenba, garirangko horn on·petpetna a·bachengaha aro gari salgiparangoni mitamde, garirangoni ong·oneming, ua biapo kamko nirokenggipa magistrate aro police official-rang baksa jegrikna a·bachengaha.
Ia biapo garirangko champengatani bidingo maming u·iatsamsoanirangko on·jahani giminba manderang, sorkari aro district administration-ni kosako raken jegalgrimtokaha.
Ua biapo jachange dongna nangenggipa mitam manderang, kobor ra·timgipa manderang baksa agangrikengon, indita somoirangna uamangko ua biapo watgija donchaahani gimin an·tangtangni suk ong·gijaniko parakattokaha.
“Kontasani ja·mansa minister re·baenga ong·ode chingko skangan watatna man·achim indiba kontasa batpile chingko re·na on·gija donaniara namen ra·chakna man·gijani ong·aha,” ine saksa mande aganaha.
Amit Shah-ni re·baanio garirangko re·na on·jani gimin manderang ding·chaoa
Date:
Share post:
