Delhi-ni Jantar Mantar-o Education Minister-ni kamko watchina CJP dabia

New Delhi: Sonibar salo Delhi-ni Jantar Mantar-o Cockroach Janta Party (CJP) banner-ni ning·o bang·a ritcha manderang, porikka seanio aro recruitment test-rango name kam ka·ja ine matnange Education Minister Dharmendra Pradhan-ni kamoni watchina dabiangaha aro kenna nangja ine CJP-ko bikotgipa Abhijit Dipke aganangaha.
Dipke jean dabianiko dakna okamgipa United States-oni Sonibar pringo Delhi-ona sokbaha. Delhi police-oni dabianiko dakna on·ako man·soani ja·man, ua Jantar Mantar-ona sokbaaha jeon pringoni manderang tom·bachimongaha.
Pradhan-ni kam watchina dabiangan baksa poster-rangko ra·bitaha aro cockroach mask-rangko ganaha, jekon ua biapo suale on·aha. Education Minister-ni kam wataniko dabian baksana chrik a·bokanirangko dakangaha aro “Hindu- Muslim”-o politics kal·ako dontongchina sason ka·enggipa Bharatiya Janata Party (BJP)-ni kosako chrik a·bokanirangko dakangaha aro “Bharat Mata ki Jai” ine chrikan baksa a·songtangko de·mittelangaha.
Jat basee politics kal·aniko jegale Mahatma Gandhi aro B.R Ambedkar-ko aro a·songtangko de·mittele chrik a·bokanikosan dakchina Dipke uamangko ge·etaha.
Bilakgipa chel·chakani ning·o Dipke mande jinmao aganprakangaha. Ua ja·mano sal karirangna kam ka·enggipa Sonam Wangchuk baksa bakrimaha. CPI(ML) Liberation general secretary Dipankar Bhattacharya, CPI-ni Annie Raja aro Left student aro youth organisation-rangoni activist-rang dabianio bak ra·angaha.
Bang·a ritcha manderang mongsongbate chadamberang bakko ra·angaha aro pul bibalrangko ra·e cockroach mask-rangko gane dabiangaha. Skulnni chatro chatrirangba uamangni ma·gipa pagiparang baksa dabianio bak ra·angpaaha.
Bakko ra·giparangko skul aro college-rangoni bang·bataha aro uamang baksa chadambe professional-rangba bak ra·aha.
Jantar Mantar-o bang·a chatro chatrirang bak ra·e chrik a·bokanirangko dakangaha aro Pradhan-ni kam wataniko dabiangaha.
Dabianiko tom·tome dakna man·a gita aro discipline gnang dakna una chakpagiparangko Dipke mol·molangaha.
Uamangni tom·tomgipa dabianina chadamberangko Wangchuk de·mittele aganaha.
Uko “Cockroach-in-Chief”-na Wangchuk Dipke-ko mittelaha aro ua dabigiparangna aganangaha, “Na·a noko asongo grape dongjaenga ba rama rikamo golmal ong·atjaenga.” Dabigiparang India a·songni flag aro Constitution-ni copy-rangko ra·bitaha aro mitamrang pul bibalrangko ra·biataha.
Dipke-ni sana a·bachengani ja·man 3:30 bajirango dabianiko dondipataha.
NEET, CBSE, CUET aro SSC porikkarangko man·chape recruitment aro porikka test-rango name kam ka·janina dabianiko CJP-ni gita ong·ataha aro chadamberangchi