SHILLONG: Sonibar-o Shillong-ni dingtang dingtang biaprango gari bol briko wa·al so·aha uarangoni gari bolsade police department-ni ong·a.
The incidents were reported from Kench’s Trace, Lumdiengjri, Mawlai Phudmuri aro Nongmensong-ni Dongkamon-o ia a·selrang ong·aha ine koborna u·iataha.
Ia chadrapani kamrangko u·igijgipa manderang so·na nanga ine chanchipako East Khasi Hills-ni Superintendent of Police Vivek Syiem aganaha.
“Kench’s Trace Beat House-o attamni 3 bajio ML-02-5516 (gitcham model-ni Thar) police gariko adita u·igijagipa manderang hood aro asongchakaniko wa·al so·aha indiba wa·alko tar·rake kimite galna man·aha. Apsan somoio, Health Department-ni Innova (ML-05W-3399) gari-ko Lumdiengjri, Synod College sepango donako wa·al so·aha, indiba mitam bakrangsan kamaiaha,’ ine Syiem aganaha.
North Eastern Electric Power Corporation Limited (NEEPCO)-ni Maruti SX4 (ML-05F-6060) gari jean Malwai Phudmuri-o rama rikamao donako wa·al so·aha, mitam bakrangsan kamaha, garini ning·ani bosturang nosto ong·aha, ine SP u·iataha.
Brigipa a·sel ong·gipara, Nongmensong-ni Dongkamon-o tourist gari dongipako wa·al so·aha, wa·al dale kamani a·sel gari mikkangchipak bang·en kamaha.
Songjinmani dingtang dingtang bakrango apsan somoio uamang wa·al so·anichi uamang gimikan apsan bak dongpagiparang ong·na nanga ine chanchichipangaha.
“Mamlako am·sandina segataha aro dos dakgiaprangko rim·aha,” ine SP aganaha.
