TURA: Garo Hills Autonomous District Council (GHADC) election-ko ta·rake ong·atchina didie, Garo Hills-ni social activist sakgni, chong·motan Nilbath Marak aro Flaming Marak, Meghalaya High Court-o Public Interest Litigation (PIL) ka·doangaha.
GHADC election-ko re·anggipa April jaon ong·atna tik ka·ahachim indiba election-o Tribal ong·gijagipa candidate-rangni bak ra·paaniko jegalanio, rang·san so·sojengjeng ong·angahani gimin GHADC election-ko sorkari dontongatchengahachim.
Ia so·sojengjeng ong·ani March jao ong·ahachim indiba uni ja·man obostarang nampilna gita a·bachengahani gimin bang·a manderangan, GHADC election-ko ta·raken ong·atchina nangniktokahachim.
GHADC election-ko ta·raken ong·atchina mitamrang nangniktokahaoba, GHADC election-o dingtang electoral roll-rangko jakkalna man·na gita somoi ra·dapkuchina mitam manderangde nangniktokskaaha.
Ia PIL-ko Nilbath Marak aro Flaming Marak, re·anggipa May jao, High Court-o ka·skaaha.
PIL-ko ka·ani bidingo talataniko on·angengon, GHADC election-o Scheduled Tribe (ST) candidate-rangsan susana man·aigen ine a·dokni Governor-an Raiko on·ahani gimin GHADC election-ko ong·atanio maming neng·nikani dongna nangjahachim, aro iani giminsa uamang election-ko ta·raken ong·atna nangnike, High Court-o PIL ka·aha ine Nilbath Marak parakataha.
Uamangni PIL ka·ani bidingo Bristibar salo skanggipa hearing-ko ong·ataha aro ia hearing-ko ong·atanio, sorkarini ukilrang, affidavit-ko on·na gita somoiko bi·dapangaha. Iani bidingo Meghalaya High Court, anti gittam somoiko sorkarina on·aha aro changgipin hearing-ko re·baenggipa July 3 tariko ong·atna tik ka·e donangaha.
