SHILLONG: A·doko songdongenggipa manderang, dingtang dingtang a·selrangna police station-rangona re·ange FIR-ko ka·na nanggija, police-rang an·tangtangan manderangona re·ange dakchakaniko on·na gita niamko ba cholko ra·gate on·na miksongenga ine Bristibar salo, a·dokni Director General of Police (DGP) Idashisha Nongrang parakataha.
DGP-ni parakatani gitade, manderang police station-ona re·angna nanggija, FIR-ko ka·na man·na gita Police department, dingtangmancha helpline-ko ra·gatna miksongenga.
Ia miksongani chu·sokbebegenchimode, police-rang an·tangtangan badi ka·gipa mandeona re·anggen aro uni First Information Report (FIR)-ko see ra·ani ja·man, nanga gita ja·kurangko de·anggen ine Nongrang aganaha.
‘Da·o dipet ian chanchikuengmitingsa ong·a indiba chinga manderangna kamrangko altubatatna jotton ka·enga,” ine DGP aganaha.
Iana agreba, dingtang dingtang neng·nikanirangko ba saniba jako sasti on·e roako man·enggipa me·chikrang, noktangtangonin badi ka·na man·na gita department-ni Women Help Desk-koba namdapatna miksonganirang dongenga ine DGP parakataha.
Me·chik aro bi·sarangni kosako ong·gija dakanirang batroroengani gimin iandakgipa kamrangko champenganio kamrangko nambate ka·na aro duko ga·akenggipa manderangna dakchakaniko on·na ia ja·kuko de·na miksongenga ineba ua aganaha.
Songadam nokadamrango ASHA worker-rangan, manderang baksa agangrikronggipa ba kamrangko ka·rimgiparang ong·ani gimin, manderangna dakchakanirangko on·na gita Police-rang, ASHA worker-rang baksa nangrime kamrangko ka·na miksongenga ineba DGP parakataha.
Ia program-ko a·dok gimikni damdok a·jarangode a·bachengatmanaha ineba ua aganaha.
Skulrango be·enni gitasan ong·aigija internet gitaba mitam chatro chatrirang, dokkol ka·e roako man·rongengani gimin Meghalaya Police, skulrango awareness program-rangko ong·atna a·bachengaha ineba Nongrang aganaha.
Manderang police station-ona re·angna nangjana gita sorkari cholko ra·gatna miksongenga
Date:
Share post:
