SHILLONG: Meghalaya a·doko Shillong Airport-ko dal·bate tariani, Baljek Airport-ko a·bachengatani aro Umiam Lake-o water aerodrome-ko tariani kamrango dakchakaniko on·china gita Budbar salo, a·dokni Chief Minister Conrad K Sangma, ma·mong sorkariko didiangaha.
Budbar salo, a·dokni Chief Minister Conrad K Sangma, Union Civil Aviation Minister Kinjarapu Rammohan Naidu-ko New Delhi-o gronge agangrikangengon, ia project ba kamrangko ka·anio an·tangna tikatgimin bakrangkode a·dok sorkari matchotmanaha ine ia project-rangko matchotatna gita ma·mong sorkarini ra·chakna nangkuenggipa bakrangko ta·raken ra·chakchina mol·molangaha.
Umroi-o donggipa Shillong Airport-ko apalbatatanio, kamrangko ta·raken a·bachengna man·na gita Directorate General of Civil Aviation (DGCA)-ni ra·chakanikoba Chief Minister didiangaha.
Shillong Airport-ko dal·bate tarina a·dok sorkari, acre 22-na baten a·arangko Airports Authority of India (AAI)-na pakwate on·manaha aro iana environmental clearance-koba man·e, kamrangkoba contractor-rangna pakwate on·manaha.
Ia Shillong Airport-ni runway-ko bakrodapatahaode ia airport-o Airbus A320 gita dake dal·kalgipa sildorengrangba chalaina man·gnok aro Shillong-oni dal·dalgipa songjinmarangona sildoreng gita songre songgabatna man·gnok.
Ia airport-ko dal·bate tarianio chagrongna nangenggipa dingtang dingtang neng·nikanirangko namatna gita nangenggipa korosrangko a·dok sorkari an·tangan jako ra·enga ineba Sangma, Union Minister-na talate on·aha. Chief Minister-ni aganani gitade, Shillong Airport-ko dal·batatanio, Umden Mission Village-koba dingtang biapona apjitna komibeoba gong kror 150-mangni gita korosrangko nangenga aro ia kamko chu·sokatna gita a·dok sorkari, Meghalaya High Court-naba ku·rachakmanaha.
Garo Hills-o galchipe donenggipa Baljek Airport-ko tangatpilna a·dok sorkarini ka·enggipa kamrangni gimin janapangskaengon, ia Airport-ko AAI-ni ning·ona ra·bae, Regional Connectivity Scheme (RCS-UDAN)-ni ning·o ka·sinsin taridapna gita ra·chakchina Chief Minister, ma·mong sorkariko didiangaha.
A·doko helicopter-rangchi manderangni re·a doanirangko namdapatna nangengani gimin chanchirimangskaengon, Shillong aro Tura-o heliport-rangko da·o tarikuengmiting ine a·dokni Chief Minister, UDAN scheme-ni ning·o, damsku district headquarter-rangoni komibeoba damgni biaprango heliport-rangko kulidapna gita ra·chakchina Union Civil Aviation Minister-ko mol·molangaha.
2024 bilsio Umiam Lake-o seaplane ba chio jakkalgipa sildoreng bilone mesokahani gimin Umiam Lake-o water aerodrome-ko tarina gitaba a·dokni Chief Minister, dingtangmancha ma·mong sorkarini dakchakaniko bi·angaha.
A·dokni airport-rangko dal·batatanio dakchakchina CM, ma·mong sorkariko didia
Date:
Share post:
