TURA: West Garo Hills a·jako man·chape Garo Hills-ni dingtang dingtang biaprango aro Garo Hills-o nangchapgipa Assam a·dokoba COVID-19-ko man·giparang batrikrikbaengani gimin West Garo Hills a·jao bus, maxi cab aro uandakgipa garirangni mande salruraaniko June 7 tarik dipet District Magistrate champengataha.
District Magistrate-ni u·iatani gitade, gital u·iataniko on·taikujaskal West Garo Hills a·jao bus, maxi cab aro uandakgipa garirang salrurana man·jawa indiba auto rickshaw-rangde odd-even nombor-ni gita bang·gija manderangko gate salrurana man·gen.
Private garirangba nanggitikan somoirangosan odd-even nomboro pangchake re·rurana man·aigen ine District Magistrate u·iataha.
Garirango re·ruraengon sorkarini dongimin niamrangko ja·rike re·rurachina gitaba District Magistrate, manderangko u·iataha.
