SHILLONG: East Jaintia Hills-ni Umkiang Primary Health Centre (PHC)-ko ge·sa Community Health Centre (CHC) dakatchina gita East Jaintia Hills-ni ning·ogipa Umkiang songni dakchakgipa headman Kynjaimon Amse, East Jaintia Hills-ni District & Medical Health Officer-na seataha.
Amse-ni uni seatgipa chittio janapataje, ia health centre-o sana bananio nanganirangan chu·ongja aro ia PHE-ona doctor saksako watatna nangchongmotenga ineba Amse, uni chittio janapataha.
Ia PHC-ko ru·uta bilsirangna nirokgija donaia, jeni a·selan nokrangba namangjaha, headman aganaha. Iarangna agreba tuchakani a·damrangni obostarangba namen namja, ua aganaha.
PHC-o dal·batgipa neng·nikanide, uano MBBS doctor dongja, jekon Ayurveda doctor-rangchisa chalaienga. Unigimin ia neng·nikanirangko ta·raken namatchina gitaba songni headman, didiataniko on·aha.
