SHILLONG: Meghalaya State Legal Services Authority (MSLSA) mijalo “Share Fact on Drugs, Save Lives” ine pangchakaniko donenba International Day against Drug Abuse and Illicit Trafficking-ko uamangni office, Shillongo mingsa webinar-ko ong·ate maniangaha. ‘‘Drugs ba pekgipa bosturangko jakkalaniko champengatna kam ka·anio Headman-rangni daito’’-ni bidingo uamangni tom·anio chanchirimangaha. Drugs jakkalani bidingo, aro iandakgipa mamlarangko uamangni bilchi maikae jako ra·gen, iarangni bidingo ma·siate on·ani giminba chanchirimangaha.
Uamangni tom·anio, District aro Sessions Judge cum Member Secretary, Meghalaya State Legal Services Authority-ni N A Khan, jean drugs-ni mamlako jako ra·anio Headman-rangni daitoni gimin talataha; Superintendent of Police (City) Vivek Syiem aro Deputy Superintendent Police (City), East Khasi Hills District, Banrap Jyrwa mangba Meghalaya-o Drugs-rangko palsrukanirangni bidingo talatangaha.
Unomitingo Meghalaya Users Forum-ni President Neil Khongwir-ba tom·anio, uni u·i-ma·sigiminrangko jinmana parakangaha.
