SHILLONG: Meghalaya a·doko batanggimin salgnini gisepo COVID-19 sabisiko man·giparang bang·taiengon, COVID man·e sianggiparangba mijalo bang·taiaha.
Indake batanggimin konta 24-ni gisepo Meghalaya a·doko sak 14 manderang COVID sabisio siangdapaha, uamangoni sak 11-de East Khasi Hills district mangmangonin ong·a, bangki sakgittamde South West Khasi Hills, West Jaintia Hills aro West Khasi Hills district-rangoni ong·a.
Ia apsan somoioni bakon sak 513 manderang COVID-19 sabisiko man·daptaiaha aro sak 307 manderang a·dokni dingtang dingtang biaprango nampilskaaha.
Mijal salni bako sak 513 COVID man·dapgipa manderangoni East Khasi Hills-o sak 184, West Garo Hills-o sak 105, Ri-Bhoio sak 70, West Jaintia Hills-o sak 35, South West Khasi Hills-o sak 28, West Khasi Hills-o sak 27, North Garo Hills-o sak 25, South West Garo Hills-o sak 15, East Garo Hills-o sak 12, East Jaintia Hills-o sak 6 aro South Garo Hills-o sak 6 manderang COVID sabisiko man·dapaha.
Bristibar salni bako sak 307 manderang A·dokni dingtang biaprango COVID sabisioni nampiltokaha, uamangoni East Khasi Hills-o sak 107, Ri-Bhoio sak 59, West Jaintia Hills-o sak 59, West Garo Hills-o sak 23, South West Garo Hills-o sak 13, East Garo Hills-o sak 12, South West Khasi Hills-o sak 11, West Khasi Hills-o sak 10, East Jaintia Hills-o sak 8, South Garo Hills-o sak 3 aro North Garo Hills-o sak 2 manderang COVID sabisioni nampiltokaha.
Meghalaya a·doko COVID sabisiko man·giparang mijalona sak 59,346 gapaha, uamangoni sak 53,945 manderang COVID-oni nampiltokaha, sak 988 manderang sabisio uamangni janggirangko gimaataha, COVID sabisiko man·giparang a·doko da·o sak 4,413 gapangtaiengaha.
