SHILLONG: Covid-19 saa man·e sianggiparangni manggisiko noktangtangona ra·angna man·gen, darangan nokdangoni sianggipa mandeko bon·kame nirikna ba mande ra·chotaniko dakna bil donga, ine Deputy Chief Minister aro Health-ni Minister Prestone Tynsong aganaha.
Mitam jolrango Covid-19 sabisina kenani gimin songni dilgiparang, sianggipani manggisiko ra·napna on·jaenga, ine janapatenba, Tynsong indine aganaha, “Health department-ni May ja 4 tarik 2021-o on·gipa notification-ko ja·rikchina anga mol·molatenga.
Health department-ni on·gimin notification-o janapani gita, protcol-ko ja·rike manggisiko kachope bakoso chipatgiminkode noktangona ra·angna man·gen. Indiba bokosko nokningona ra·napna man·jawa, nokni a·palo donna nangaigen.
Nokona ra·angna biaprang apchangketa ong·ode gopramona jol ra·angon namgen aro gopramo simsak-naljokani bewalrangko ja·rikna nanggen, jekai jakko jaksujringa, mask aro gloves-o ganjringna nanggen.
Uandake covid sabisi giproroako champengna Deputy Commissioner-rangko Covid-19-ni bidingo traditional head ba dilgiparang baksa agangrikchina ge·etaha.
Minggipin traditional digliparang bang·a changon sorkarioniko tangka-paisani gita dakchakaniko man·rongja ine aganronggipa kattana, Tynsong indine aganaha, “man·a dipet sorkari Community Covid Management Team (CCMT)-ni gita dakchakaniko on·enga.
