TURA: 2002 bilsini September 9 tariko bobil dake chakatgipa manderangni chadrapanio so·otako man·gipa sipairangko Bristibar salo, Meghalaya Police-ni gita dingtangmancha gisik ra·e mande ra·pilskaaniko dakangaha.
2002 bilsini September 9 tariko, South Garo Hills a·jani Chokpot Bibragre songo, bobil dake chakatgipa manderangni boma godape chadrapanichi Deputy Superintendent of Police (DSP)-ko man·chape gimik sakdok police-rang so·otako man·na nangahachim.
Bobil dake chakatgipa manderangni chadrapanio so·otako man·gipa police-rangara DSP Pechon A Sangma, DC/277 Padmatachan Sutradhar, 3rd IRBNC/96 Sahinson R Marak, 3rd IRBNC/184 Repenstone L Kynshi, 3rd IRBNC/215 Benosik Nongsiej aro ABC Jenur Marak ong·achim.
