SHILLONG: Garoland State Movement Committee (GSMC), mija Sonibaro tom·aniko dakenba, Gambegre constituency-ni ning·ogipa Rangaparao PMGSY sorokko tarianiko, mongsongbate dolong aro culvert-ko itachi tarianiko jegalaha.
Dolong aro culvert-ko itachi tariode bilsi ru·ute baijawa ine aganenba, songni nokni manderang, iako jegaltokenga ineba GSMC u·iataha.
Iani bidingo, batanggimin sal somoirango PWD office-chi re·e badi ka·doaniko dakahachim indiba office-ni manderang knachakja ineba GSMC parakataha.
Unomitingo, Sengsengpara Kherapara rama, Basulpara Akinparaona tarigipa PMGSY sorokko da·alonaba matchotgija donkuenga, jeni a·selan manderang bang·en neng·nikanirangko man·enga, iani bidingo GSMC sandianiko dakanggen ineba koborna parakataha.
