TURA: South Garo Hills-ni Krishi Vigyan Kendra (KVK), ‘Poshan Vatika Maha Abhiyan’-ko gisik ra·e maniani bak gita mni Sukrobar salo South garo Hills a·jao donggip Chokpot, Warimagre-ni Farmers’ Training Centre-o ‘Nutri Garden aro Tree Plantation’-ni bidingo National Campaign-ko ong·atangaha ine ja·man chake koborna u·iataha.
KVK-ni program ong·atgipao, Chokpot Civil Sub-Division-ni PHE-ni SDO, Bilgrak M Marak salni dal·batgipa sokgipa ong·e bakko ra·anganichi salsani program-ko mikkim gnangbee matchotataha.
Uandake apsan salo, apsan maniani bak gita East Garo Hills-ni KVK-rangba dingtang dingtang program-ko ong·atangskaha aro East Garo Hills, KVK-ni ong·atgipa program-o a·jani Deputy Commissioner, salni dal·batgipa sokgipa ong·e bakko ra·anganichi mikkim gnangatskaaha ineba koborna u·iataha.
