SHILLONG: Garo Hills-ni sakchet Congress MLA-rangni All India Trinamool Congress (AITC)-chi napangani ja·man, Congress party-o da·o dipetode saksa MLA-ba Garo Hills-o dongjaha indiba Congress-ni obosta da·o gitamancha ong·kua ong·ode Congress komibeoba ge·bonga seat-rangkode Garo Hills-o chekugen ine CLP dilgipa Ampareen Lyngdoh aganaha.
Garo Hills-o Congress da·ode MLA saksaba dongjaha ine sing·anina aganengon, “Congress-ni obosta da·o gitan bilakkuengode, Garo Hills-oniko chingni seat man·anirang ge·bonganade komibatjawa, chinga kam ka·anirangko nambatatgen” ine CLP dilgipa Ampareen Lyngdoh aganaha.
Party-ko bilakatna kam ka·na gita chingna da·oba ja 12-13 dongengkua, aro Congress party name manchan Garo Hills-o tangchapilgen, ua agandapaha.
“Garo Hills-o da·ode Congress-ni mikkang dongjaha ine da agana, Saksani mikkangko da dal·e ra·a,” Congress-de jinma ka·aniosa pangchaka aro saksani kamchi ong·ja, Lyngdoh aganaha.
