TURA: India a·songni jakgitelko man·aoni bilsi 75 gapaniko maniani bak gita Mongolbar salo, ‘Azadi Ka Amrit Mahotsav, Janjatiya Gaurav Diwas aro COVID-19 Appropriate Behaviour’-ni bidingo outreach program aro exhibition-ko Tura-ni Danakgre-o donggipa ICFAI Conference Hall-o ong·atangaha.
Ia program-ko Tura-ni Field Outreach Bureau-ni gita ong·atangaha aro ia program-ko ong·atanio ICFAI University-ni Campus Head Kenneth SG Momin, mongsonggipa sokgipa ong·e jinmana aganprakangengon, a·songni jakgitelanina krengdilanggipa aro a·dokni jakgitelanina an·tangtangni janggiko on·kanganggipa Pa Togan Nengminja, Sonaram R Sangma, U Tirot Sing, U Kiang Nangbah aro uandakgipa pagitchamrangni gimin gisik ra·atpilaniko dakangaha.
Ia program-ko ong·atanio Tura Holy Cross Hospital-ni Gynaecologist Dr (Sr) Immaculate-ba dongpae jinmana aganprakengon, COVID-19-o warachakna dongimin niamrangni gimin aganangenba, COVID-19-ko chel·chakna gita mask-rangko ganjringchina, saksa sakgipinoni chel·tanggrike donganiko ranta ka·china aro jakrangko jaksujringchina gita program-o bak ra·giparangko didiangaha.
Ia program-ko ong·atanio dingtangmancha a·songni jakgitelanina krengdilanggipa pagitchamrangni kamrangko mesokna gita dingtangmancha exhibition-koba ong·atangaha.
Ia program-ko ong·atanio dongpae jinmana aganprakanggipa gipin manderangara, Tura-ni Field Publicity Assistant Haihungbe Mpame, ICFAI University-ni Lecturer Timsera R Marak aro gipinrang ong·a.
