SHILLONG: Meghalaya a·dokni gital Director General of Police (DGP)-ko songna gita sorkari, niamrango pangchake kamrangko ka·engaha ine Bristibar salo, a·dokni Home Minister Lahkmen Rymbui parakataha.
“Somoi ong·ahaon chinga a·dokni gital DGP-ko songe on·gnok indiba da·o dipet gital DGP-ko songna gita sorkari, somoirangko donkuja,” ine Home Minister parakataha.
A·dokni gital DGP-na sorkari, sakbonga IPS officer-rangko biming minge donmanahachim aro uamangara, Mukesh Agarwal, KV Singh Deo, L Ram Bishnoi, SN Singh aro Idashisha Nongrang ong·achim.
Idashisha Nongrang-na agrede ia IPS officer-rang pilakan da·o dipet Assam sorkari baksasa kamko ka·engachim.
1989 batch-ni Agarwal-ara Special DGP (Border) ong·enga, 1989 batch-ni Deo-ara Special DGP (Prosecution/BIEO), 1991 batch-ni Bishnoi-ara Additional DGP (T&AP) aro 1991 batch-ni Singh-ara Special DGP ong·skaengachim.
1992 batch-ni Idashisha Nongrang-ko adita salrangna skangsan, Meghalaya a·dokni Special DGP-ona kam ra·doatskaahachim. Sakbonga IPS officer-rangoni uan chonbatgipa officer-ba ong·enga.
A·doktangni mandesa a·dokni gimin nambate ma·sina man·a inenba dingtang dingtang political dolrang aro NGO-rangba Nongrang-ko a·dokni gital DGP songchina gita a·dok sorkario dabiskaengachim.
