SHILLONG: Garo Hills Autonomous District Council (GHADC)-o tangka jakkalsretani mamlao am·sandiani audit report-ko Directorate of Local Fund Audit (DLFA) on·manaha.
Official-ni parakatani gitade, February jani 18 tarikon GHADC-ni audit report-ko District Council Affairs (DCA)-na on·aha.
Uandake Jaintia Hills Autonomous District Council (JHADC)-ni audit report-koba re·anggipa bilsini December jao on·aha.
GHADC-na Special Assistance Grant (SAG)-ni gita ma·mongni on·atgipa tangkako ong·gija jakkalsretanirangko bang·en report-o nikna man·aha. Dormahana jakkalna am·gipa tangkarangoniko mitamko tangkako council, walpilataha. Dormahana jakkalna Special Assistance Grant (SAG)-ni gita on·atgipa tangkako watpilataha ine official parakaha.
Uandake council-ni jako ra·gipa developmental project-rangba dingtangmancha miksonganina jakkalna chamgipa tangkarang baksa meligrikja ineba audit report-o nikna man·aha.
“Project-na tangka chamgipa aro kam ka·aniko nigrikon meligrikna ineba audit team-rang u·ina man·aha. Je project-rangkon ra·gataha ine janapahachim, audit team, am·sandion nikejaha.”
Unbaksana council, project-ko matchotatna contractor-rangna tangka gamsoaha indiba project-ni kamrangan matchotkuja. Bang·a project-rangko nipilaton contractor-rang, kamtangkon matchota dongja, ineba official janapaha.
Audit report-ni gita JHADC-oba apsan daken SAG scheme-o sokbagipa tangkako simsakgija jakkalaniko nikna man·aha. Bilsi 1994-o primary school-ni administration-ko a·dok sorkari jako ra·genchimoba JHADC da·onaba primary school-na teacher-rangko ra·kuenga. Teacher-rangni dormahana JHADC bang·en tangkarangko jakkalaha. Primary school-ni administration, a·dok sorkarini jakosa ong·a, indiomangba maidake JHADC, primary teacher-rangko ra·enga, iani gimin aganchakna nanggen.
BJP-ni ia council ge·gnion ma·mongni special grant-o sokbagipa tangkako jakkalsreta ine matnangani gimin sorkari, audit ka·china ge·etaniko on·aha.
