SHILLONG: Meghalaya a·doko Congress dol, uko aro gipin sakbonga MLA-rangko ra·galahaoba ua re·baenggipa 2023 bilsini Assembly election-o an·tangna chakgipa manderangni dakchakanichi chegipa ong·piltaina ka·dongenga ine Sukrobar salo, East Shillong-ni MLA Ampareen Lyngdoh parakataha.
Meghalaya a·doko Congress dolni be·gruanio jak donggipa manderangni giminba ua mamingkoba aganna gita jechakaha.
“Sak 12 MLA-rangni All India Trinamool Congress (AITC)-ona katangani ja·manoba chinga a·doko Congress dolko namdapatna gitasa ka·dongsoengachim. Ia sak 12 MLA-rang katangani ja·manoba Congress dolo bak dake kam ka·anikosa chinga nikna man·skaaha,” ine Lyngdoh, kobor ra·timgiparang baksa agangrikengmiting somoio parakataha.
Congress dolni gimin matnange aganna jechakatengon, maini gimin ua Congress dolni gimin betbete rokugen ine Congress doloniko ra·gala man·gipa MLA aganaha.
“Congress dol an·tangan an·tangtangna biapko tarichina indiba angade Congress MLA ong·en term-tangko matchotatgen,” ine Lyngdoh aganaha.
Uko aro gipin MLA-rangko bilsi gittam atana Congress doloniko ra·galaniara, uko Congress doloni susajachina nangnikaniko mesokanisa ong·aha ineba Lyngdoh aganaha.
“Na·simang niatpilode nikatna man·gen 2008 bilsio uni susachengani somoio Congress dol una tikitko on·na jechakahachim,” ine Lyngdoh aganaha.
Uko Congress doloniko ra·galanichi re·baenggipa 2023 bilsini Assembly election-o uni susaaniko Congress dol champengna man·jawa ineba Lyngdoh parakataha.