SHILLONG: Meghalayani koelarangko niamgri, South Garo Hills-ni Gasuapara gita Bangladesh-ona badingsrukatenga ine matnanganirangko sandirokatna gita Meghalaya Chief Minister, Conrad Sangma jechake aganaha, ia mamlao jak dongani gimin Assamni saksa bading chiwalgipa Balwan Soni (alias Bhama) sing·sandianirangko man·enga.
Sing·anirangna aganchakengon, koela salanggiparang gimikan lekka gnangsa salangtokenga ine Chief Minister, Conrad Sangma aganaha.
Indake ong·engon, maiba matnanganirangko dakode aro iani bidingo sorkarina u·iatode iani bidingo Sorkari sandie nigen, Pa Sangma aganaha.
Assam da·o dipetode iarangni bidingo mamingkoba Sorkarina u·iata dongja, a·sel obostarangni gimin namedake ma·sijaode mai kattako parakgen, Chief Minister aganaha.
Sandirokatani dakatani bidingo sing·on, sandirokataniko dakna gita maiba pangchakanide dongna nanggen, ua aganaha.
Indake “jensomoio maiba koborrangko man·soon, uamangni kosako kam ka·china chinga police-ko aganronga,” CM aganaha.
Minggipin, koelarangko niamgri trak garirango Gasuaparachipak Dainadubi gita ra·angenga ine agananirang kakketan ong·a ine aganenba, iani bidingo bakan sandiataniko dakchina gita Congress working president Deborah Marak, Sorkariko aganaha.
Ua indakeba aganaha je niam gri koela badinge cha·anio, bijatchio jak on·giparangba ritcha baten donga, jemangan mamlao jakdangdikpaenga, uamangkoba bichalona rimbana nanga, Marak aganaha.
