SHILLONG: Mongolbar salo ma·mong sorkarini ra·chakanggipa ‘Agneepath’ scheme-na chadamberangko rimnapachi bang·a chadamberangkon sipai dolrango kam ka·na salbana man·gen ine Budbar salo, Eastern Air Command (EAC)-ni Air Officer Commanding-in-Chief (AOC-in-C) Air Marshal Dilip Kumar Patnaik parakataha.
Ia Agneepath scheme-ara chadamberangko sipai dolrango bilsibrina kamko ka·na gita chol on·enggipa scheme ong·achim aro ia scheme-ko ma·mongni Cabinet, Mongolbar salo parakatahachim.
Ia scheme-ni bidingo kobor ra·timgiparangna talataniko on·angengon, ia scheme-ko sorkari name chanchichengesa ra·gataha aro ian namen dingtangmanchagipa scheme ong·a aro ian a·songni chadamberangna miksonge ra·gatgipa scheme ong·a ine Patnaik parakataha.
Patnaik-ni aganani gitade, ia kamna chadamberang janggi tanga gimik ba ru·uta bilsirangna on·kange kam ka·na nangjawa aro ian chadamberangna, sipai dolrango dangdike on·na cholko on·enggipa scheme ong·a.
“Ian a·songo sipai dolrangni kamko bilakbatatna aro nambatatna gita ma·mong sorkarini a·bachengatgipa scheme ong·enga,” ine Patnaik aganenba, ia scheme-na sal 90-ni gisepon recruitment rally-ko ong·atgen aro seoka man·gipa chadamberangko bilsisani gisepon Indian Army-ni battalion-rango rimnapgen ine parakataha.
Ia Agneepath scheme-na dingtangmancha Pan-India-chi seokgen aro seoka man·gipa chadamberang jadokna training donggen ineba Air Marshall Patnaik parakataha.
‘Agneepath’ scheme-chi chadamberangko sipai dolrangona rimbana man·gen: Air Marshal Patnaik
Date:
Share post:
