TURA: Garo Hills-oba skanggipa changna ia 2022 bilsini NEET (UG) porikkako Tura Centre-o ra·gnok ine West Garo Hills a·jani Deputy Commissioner Swapnil Tembe parakataha.
Deputy Commissioner-ni parakatani gitade, Garo Hills-oba iandakgipa porikkarangko bilsiantian ra·ahaode, NEET aro uandakgipa porikkarangko sena sikenggipa jolni chatro chatrirangna bang·a namgni ong·gnok.
“National Testing Agency (NTA)-ni ong·atrongenggipa NEET (UG) porikkako ia bilsiode Garo Hills-ni chatro chatrirangnaba Tura Centre-o ra·gnok ine anga parakatna namen katchabea. Iandakgipa porikkarangko bilsiantian ra·genchimode ian NEET gita dakgipa porikkarangko sena sikenggipa Garo Hills-ni chatro chatrirangna bang·en namgni ong·gnok. Garo Hills-ni chatro chatrirangba iandakgipa porikkarangko sepana man·na gita mikkangchi iandakgipa porikkarangko Garo Hills-o ong·atna chinga rake kamko ka·enga,” ine West Garo Hills a·jani Deputy Commissioner Tembe parakataha.
Ia bilsini NEET (UG) porikkako Garo Hills-o ong·atna man·engahani gimin ua dingtangmancha West Garo Hills a·jani gitcham Deputy Commissioner Ram Singh aro gipin official-rangkoba mittelpilataha.
