SHILLONG: Meghalaya Legislative Assembly, Sombar salo India-ni gital president-ko seokna gita vote pu·ona a·doko tarisoaha.
NDA, Draupadi Murmu-ko candidate parakataha, uandake Opposition party, Yashwant Sinha-ko chakatatskaenga.
“President election-na a·doko chu·gimik tarisoaha ine Chief Electoral Officer, FR Kharkongor, Sonibar salo koborna u·iataha.
Uandake president election-na New Delhi-oni sokbagipa Presidential Ballot Box-ko Strong Room-o bilakgipa chelchak-naljokanio donenga.
Kharkongor-ni koborna parakatani gitade, ‘election-na ian skanggipa changna local handicraft ba wata-chengani, sol·a-repa ba uandakgiparangko jakkale Green Polling Station-ko tariaha. Ian Meghalaya a·dokni ong·telaigipa gam-jinrangko mesoka.’
Iarangna agreba batanggimin sal-somoirangonin ja·rikbaenggipa Meghalaya-ni electoral democracy-ko mesokgipa chulgako donaha ba tariaha.
Chonchongipa a·dokrangoni, Sikkim-oni sakprak MLA-ni vote value-ara 7, Arunachal Pradesh aro Mizoram-ni (8), Nagaland (9), Meghalaya (17), Manipur (18) aro Goa (20).
Kobor man·soani gitade, Rajya Sabha MP, Shillong-oni vote on·gen. Members of Parliament-ni bang·bate 700 vote value donga.
A·songoni seoka man·gipa lawmaker-rang Sombar salo presidential poll-o vote ka·angtokgen.
Niatgenchimode, Meghalaya-oni bang·bata political party-rangan NDA-ni candidate-na chakpaaniko parakataha.
