SHILLONG: Gitcham Umiam dolongo be·srianirang dongahani a·sel kenchakna nanganirang ong·engahani gimin Umiam wariko kabatna gita gital dolongko rikna bakan survey-ko ka·anggnok ine a·dokni Deputy Chief Minister Prestone Tynsong parakataha.
Tynsong-ni parakatani gitade, gitcham Umiam dolongo be·srianirang dongahani a·sel, re·ruraenggipa manderangna kenchakna nangani ong·engahani gimin ia gital dolongko rikna gita PWD department, agan-ku·pattitimgipa (consultant)-koba tik ka·manaha.
Ia gitcham dolongo be·srianirangko nikna man·engahani da·o dipet ia dolong gita nangana bate bostu salgipa garirangni re·ruraanikode champengatchengahachim ine nikna man·a.
“Ia kamna seokako man·gipa consultant, nanga gita kamrangko ka·engaha aro bakan survey ka·aniko a·bachenggnok. Ia kamna seokako man·gipa consultant, kamrangko ka·enba chingna detailed project report (DPR)-ko on·anggen aro ia kamna chinga tangka paisarangko chamna gita kamrangko ka·skagnok,” ine Tynsong aganaha.
Deputy Chief Minister-ni parakatani gitade, ia gital dolongko PWD department, da·o dongenggipa dolongni ka·mao rikskana gita tik ka·manaha.
Umiam dolong be·na skangan Umiam dolongko tarina gita ta·raken kamrangko ka·china Meghalaya High Court ge·etaniko on·angahachim ine nikna man·a.
