SHILLONG: Niamgri koela salruranio constables-oni officer-in-charge aro minister level-onan gimikan jak donga ba cholko on·anio jak donga. ‘High level’-o gimikkon man·gopa ine BJP-ni a·gipi dilgipa AL Hek aganaha.
HITO memborrangni bol 50 truk gario niamgri koela salako rim·a man·e, FIR ka·na re·angako authority ra·chakna jechakani bidingo BJP dilgipa aro Pynthormukhrah-ni MLA, ia kattarangko aganaha.
MDA sorkariko jako ra·ani skanggipa salonin a·doko niamgri koela salruraniko nikna man·enga. ‘HITO, ia mamlao kakket kamko ka·enga, high level-o sawa donga, niatgenchimode high level-o constable-oni OC-DGP level-oni Minister-ona gimikan donga iako pilakan u·ia, ine Minister aganaha.
High level- o donggiparangan niamgri koela salako nirokenga ine matnangaha indake Deputy Chief Minister, HITO-ko ia mamlao sakkiko mesokchina aganaha.
Minggipin HITO, a·doko niamgri koela salrurani mamlako Central Bureau of Investigation (CBI) aro Enforcement Directorate (ED)-ni jakchi am·sandianiko dakchina ge·etaniko on·china dabie State BJP Chief Ernest Mawrie-na memorandum-ko on·aha.
List-o gital Assembly building-ko rikani, coal scam, smart meters scam, Saubhaya scam, teacher recruitment scam, vehicle scam, Social Welfare department Rice scam, ADCs fund scam, ISBT scam aro smart city scam- iarangko man·gopa.
HITO president Donbok Dkhar-ni aganani gita, State BJP president, memorandum-ko Union Home Minister-na watatna ku·rachakaha.
MDA sorkarini skanggipa salonin niamgri koela salrurako nikna man·enga: Hek
Date:
Share post:
